Ламин Ямал операциядан қашпақшы

Барселона вингері Ламин Ямал операциядан қашуды көздеуде. 18 жастағы футболшы жамбас сүйегінде ауырсыну сезінуде, бұл ауырсыну физикалық жүктеме артқан сайын күшейіп, оның алаңдағы ойынына кері әсерін тигізуде.

Diario Sport дерегінше, испаниялық жұлдыз бұл қолайсыздықтан операциясыз құтылуға үміттенуде. Егер алдағы бірнеше аптада жағдай жақсармайтын болса, футболшы мен клуб хирургиялық араласу мүмкіндігін қарастырады.

Осы маусымда Ламин Ямал Барселона сапында барлық турнирде сегіз матчқа қатысып, үш гол және бес нәтижелі пас берді. Жексенбі күні каталондықтар Ла Лига аясында өз алаңында Эльче клубына қарсы ойын өткізеді.