Ламин Ямал Мбаппенің рекордына жақындап келеді

18 жасар "Барселона" футболшысы Ламин Ямал Ла Лига аясындағы "Эльче"ға қарсы ойында (3:1) өз еншісіне гол жазып қойды. Енді жас вингердің Испания чемпионатында өткізген 80 ойынында 17 голы бар.

Opta мәліметтері бойынша, XXI ғасыр басынан бері тек Килиан Мбаппе ғана 19 жасқа толғанға дейін Еуропаның топ-лигаларында одан көп – 23 гол соға алған. Алайда, Ямалдың бұл рекордты жаңартуға әлі мүмкіндігі мол, себебі ол 19 жасқа тек шілде айында толады.

Биылғы маусымда Ламин Ямал барлық жарыстарда "көк-анар түстілер" сапында 9 ойында алаңға шығып, 4 гол соғып, 5 нәтижелі пас берген.