Ван Дейк Рунидің сынына жауап берді

«Ливерпульдің» орталық қорғаушысы Виржил ван Дейк жақында Уэйн Рунидің айтқан сынына өз пікірін білдірді. Өткен айдың соңында «Манчестер Юнайтед» пен Англия құрамасының бұрынғы шабуылшысы Уэйн Руни «Ливерпуль» командасы қиын кезеңдерде Ван Дейк пен Мұхаммед Салахтың көшбасшылық қасиеттері жеткіліксіз екенін атап өткен еді.

Ван Дейк бұл туралы былай деді: «Мен өткен маусымда Рунидің пікірлерін естімегенмін. Шын айтсам, оның сөздері мені алаңдатпайды.

Әрине, Уэйн — көптеген футболшыларға шабыт берген аңыз ойыншы, бірақ оның бұл сыны, менің ойымша, жай ғана немқұрайлы сын. Өткен маусымда ісіміз жақсы жүргенде, Руни туралы ештеңе естімегенмін.»

Еске сала кетейік, жақында «Ливерпуль» АПЛ-дағы жеңілістер сериясын тоқтатып, «Астон Вилланы» 2:0 есебімен жеңді.