“Ливерпуль” - “Реал” ойынының қаһарманы анықталды

Сейсенбі кешінде Чемпиондар лигасының жалпы кезеңінің төртінші туры аясында "Ливерпуль" мен "Реал" командалары арасында ойын өтті. Арне Слот басшылығындағы команда 1:0 есебімен жеңіске жетті.

Кездесудегі жалғыз голдың авторы жартылай қорғаушы Алексис Мак Аллистер болды. Мак Аллистер "Энфилд" стадионында өткен бұл матчтың үздік ойыншысы деп танылды.

Ойын соңындағы ысқырықтан кейін аргентиналық футболшыға арнайы марапат табыс етілді. Чемпиондар лигасының төрт турынан кейін "Ливерпульде" 9 ұпай бар.

Арне Слот командасы бұл жарыстың келесі турында 26 қараша, сәрсенбі күні өз алаңында ПСВ-ны қабылдайды. "Реал" да әзірге 9 ұпай жинаған.