ПСЖ үш футболшының жарақаты туралы хабарлады

Чемпиондар лигасы аясында «Баварияға» қарсы ойында тек Усман Дембеле мен Ашраф Хакими ғана емес, сол қаптал қорғаушысы Нуну Мендеш те жарақат алды. Бұл туралы ПСЖ-ның ресми сайтында хабарланды.

Хакимидің сол жақ тобық байламдары созылғаны, Дембеленің сол жақ жаны бұлшықеттері жарақаттанғаны, Мендештің сол жақ тізесінде созылу анықталғаны белгілі болды. Клубтың хабарламасында осы үш футболшы бірнеше апта бойы қалпына келу процесінен өтетіні айтылған, бірақ нақты мерзім көрсетілмеген.

Сондай-ақ, ПСЖ Дезире Дуенің де оңалту процесін жалғастырып жатқаны туралы мәлімет берді. Клуб ұлттық құрамалар ойындарына байланысты үзілістен кейін жаңа жаңалықтарды жариялайтынын хабарлады.