Ашраф Хакими жарақаттан кейін түсініктеме қалдырды

ПСЖ қорғаушысы Ашраф Хакими Чемпиондар лигасында "Баварияға" қарсы ойында тобығынан жарақат алды. Бір тәуліктен кейін мароккалық футболшы әлеуметтік желілерде пікір қалдырды.

"Құлаулар – жолдың бір бөлігі, бірақ қайта оралу – күштіліктің белгісі. Маған хабарлама жазған барлық адамдарға алғыс айтамын!" – деп жазды Хакими.

Бұған дейін ПСЖ Хакимидің жарақаты туралы ақпарат берген еді. БАҚ мәліметінше, футболшының толық жазылуы үшін бір жарым айдан екі айға дейін уақыт қажет болады.

ПСЖ сейсенбі күні "Баварияға" өз алаңында 1:2 есебімен жеңіліп, жанкүйерлерін ренжітті. Париждік команданың келесі ойыны 9-қарашада қонақта "Лионға" қарсы өтеді.