Чемпиондар Лигасының бас фавориті анықталды

Goal беделді порталының журналистері Чемпиондар лигасының төртінші турынан кейін жаңа фавориттер рейтингін жариялады. Оған сәйкес, бірінші орынға "Бавария" көтерілді.

Команда сейсенбі күні "ПСЖ"-ны қонақта 2:1 есебімен жеңген еді. Бұрынғы рейтингте бірінші орында болған "ПСЖ" үшінші сатыға түсіп кетті.

Екінші орынды "Арсенал" сақтап қалды. Топ-10 рейтинг келесідей қалыптасты: "Ливерпуль", "Манчестер Сити", "Барселона", "Реал", "Интер", "Галатасарай", "Ньюкасл".

Әсіресе, "Галатасарай"-дың тоғызыншы орында орналасуы біраз таңқаларлық. Еске салайық, өткен маусымда Чемпиондар лигасы кубогын "ПСЖ" жеңіп алған еді.