Интер Карлос Аугустомен шартнаманы ұзартады

Миланның "Интер" клубы сол қаптал қорғаушысы Карлос Аугустомен келісімшартты ұзартуға жақын. Бразилиялық футболшының қолданыстағы келісімшарты 2028 жылға дейін жарамды, алайда жаңа келісім 2030 жылға дейін созылады деп күтілуде.

Бұл туралы журналист Николо Скира хабарлады. Жаңа келісімшарт аясында футболшының жалақысы артады деп жоспарлануда.

Карлос Аугусто осы маусымда "нерадзуррилер" сапында 12 ойын өткізіп, 1 гол соқты және 2 нәтижелі пас жасады. Transfermarkt порталы 26 жастағы футболшыны 26 миллион еуроға бағалап отыр.

9 қараша, жексенбі күні "Интер" А Сериясының 11-турында өз алаңында "Лационы" қабылдайды.