Усмон Дембеле қашан оралады?

Пари Сен-Жермен шабуылшысы Усмон Дембеле жуырда тағы да жарақат алды. "Алтын доп" иегері болған футболшы Чемпиондар лигасында "Бавариямен" ойында негізгі құрамда алаңға шықты.

Алайда 25-минутта бас бапкер Луис Энрике оны алмастыруға мәжбүр болды. Журналист Бенжамен Куаренің хабарлауынша, Дембеленің осы ай соңында қатарға қосылуы күтілуде.

28 жастағы футболшы 26-қараша күні өтетін Чемпиондар лигасындағы "Тоттенхэмге" қарсы ойында өнер көрсетуге үміттенеді. Осы маусымда Дембеле Париж клубы сапында 9 ойынға қатысып, 3 гол соғып, 2 нәтижелі пас берген.