Гвардиола: Өз принциптерімнен ешқашан бас тартқан емеспін

“Манчестер Сити” бас бапкері Хосеп Гвардиола әлемдік футболға әсері туралы өз пікірін білдірді. Жексенбі күні Гвардиола бапкерлік мансабындағы 1000-ойынын өткізеді.

“Білмеймін. Мен жай ғана командаларымның өзім қалаған стильде ойнауын қамтамасыз етуге тырыстым.

Мен ешқашан өз принциптерімнен бас тартқан емеспін және бұл үдерісте көп нәрсе үйреніп, өзгердім. Бірақ жүрегіммен сенетін қағидаларымнан бірде-бір рет бас тартқан емеспін.

Себебі, тіпті қателескен жағдайда немесе қарсылас мықтырақ болса да, өзіңіз сенбейтін істі істегеніңізді сезінбеу өте маңызды. Мен ешқашан ондай жағдайға түскен емеспін”, - деді Гвардиола баспасөз мәслихатында.

Жексенбі күні “Манчестер Сити” Англия Премьер-лигасы аясында “Ливерпульді” қабылдайды.