Лапорта Месси құрметіне жоспар құрды

Барселона президенті Жоан Лапорта Лионель Мессиге қатысты жоспарларын хабарлады. Оның айтуынша, жаңартылған "Камп Ноу" стадионының ашылу матчы Мессиге арналған ойын болуы керек.

"Бұл керемет оқиға болар еді — толы стадионда Месси құрметіне ойын өткізу арқылы "Камп Ноу"-ды ашу. Мен мұны жүзеге асыруға қуанышты болар едім", — деді Лапорта.

Бұл пікірлерді журналист Фабрицио Романо әлеуметтік желілерде жариялады. Белгілісі, Лионель Месси "Барселонаны" 2020/2021 жылғы маусым соңында тастап кеткен болатын.

Ол кезде клуб қаржылық мәселелерге байланысты аргентиналық футболшыға жаңа келісімшарт ұсына алмаған. Қазіргі уақытта Месси АҚШ-тың "Интер Майами" клубында ойынын жалғастыруда.