Барселона Рэшфордты сатып алуды ойластырып жатыр

Барселона әлі де Манчестер Юнайтед шабуылшысы Маркус Рэшфордты сатып алу келісімін жүзеге асыру мәселесінде шешім қабылдаған жоқ. Бұл туралы Diario Sport хабарлайды.

Мәліметке сәйкес, каталониялықтардың шешімге келе алмауының бір себебі футболшының жоғары жалақысы болып отыр. Қазіргі уақытта "көк-анар түстілер" қаржылық талабы төмен жас қанат шабуылшыларына назар аударып жатыр. Естеріңізге сала кетейік, Барселона Маркус Рэшфордты жазғы трансфер терезесінде жалға алған болатын.

Ол каталониялық команда сапында 15 ойынға қатысып, 6 гол соғып, 7 нәтижелі пас берді.