Гвардиола "Ливерпуль" үстінен жеңісті түсіндірді

"Манчестер Сити" бас бапкері Пеп Гвардиола "Ливерпуль" командасына қарсы 3:0 есебімен қол жеткізілген жеңістен кейін өз пікірін білдірді.

Бұл ойында қала командасына жеңіс әкелген голдарды Эрлинг Холанд, Нико Гонсалес және Джереми Доку соқты. Голдар тиісінше 29-минутта, 45-минутта және 63-минутта соғылған.

"Бірінші тайм өте жақсы өтті. Үзілістен кейін "Ливерпуль" қысымды арттырды. Біз сәл абыржып қалдық, әсіресе алғашқы бес-он минутта, бұл қарсыластарға көмектесті.

Жалпы алғанда, ойыншылар керемет ойын көрсетті. Өте қуаныштымын", – деді Гвардиола журналистермен әңгімесінде.

Айта кетейік, "Ливерпульге" қарсы ойын испан маманының бапкерлік мансабындағы мыңыншы кездесу болды.