Манчестер Сити 1000-ойында жеңіске жетті

Ағылшын Премьер-лигасының 11-турында "Манчестер Сити" командасы "Ливерпульді" 3:0 есебімен жеңді. Бұл ойын "қалалықтар" бас бапкері Хосеп Гвардиола үшін бапкерлік мансабындағы 1000-ойыны болды.

Жеңіске Эрлинг Холанд, Нико Гонсалес және Жереми Докудың соққан голдары себеп болды. 54 жастағы Гвардиола бапкер ретінде өзінің 716-жеңісін тіркеді және осы күнге дейін жалпы 40 трофей жеңіп алған.

"Манчестер Сити" 11 турдан кейін 22 ұпаймен АПЛ кестесінде екінші орынды иеленіп тұр. Келесі турда команда "Ньюкаслға" қарсы сырт алаңда ойын өткізеді.