Родриго қыста "Реалдан" кетпек

Мадридтің "Реал" клубының қанат ойыншысы Родриго командадан кетуді жоспарлап отыр. ESPN Brasil ақпаратына сәйкес, 24 жасар бразилиялық футболшы өз орнынан риза емес болып, қыста жаңа командаға ауысуға шешім қабылдаған.

Родриго әсіресе Англия Премьер-лигасына ауысуды ұнататынын атап өткен. Биылғы маусымда футболшы Испания Ла Лигасында 10 ойынға қатысып, гол соқпаған әрі нәтижелі пас бермеген.

Ал Чемпиондар лигасында үш ойында екі нәтижелі пас берген. Футболшының трансферлік құны 80 миллион еуроға бағалануда.