Рафиньяның денсаулығы туралы жаңа мәліметтер

Испаниядан алынған жаңа ақпараттарға сәйкес, "Барселона" клубының қапталдағы шабуылшысы Рафинья жазылу үдерісінің соңғы сатысына жақындап қалды. Mundo Deportivo басылымының хабарлауынша, 28 жастағы бразилиялық футболшы қазіргі уақытта жеке бағдарлама бойынша жаттығу жасауда.

"Барселона" бас бапкері Ханс-Дитер Фликтің сөзінше, Рафинья 22 қараша күні "Атлетикке" қарсы ойында алаңға шығуы мүмкін. Рафинья соңғы рет команда сапында 25 қыркүйекте матчқа қатысқан.

Осы уақыттан бері ол Испания чемпионаты мен Чемпиондар лигасындағы жалпы тоғыз ойынды өткізіп жіберді. 2025/2026 жылғы маусымда Рафинья жеті ойынға қатысып, үш гол соғып, екі рет нәтижелі пас берген.