Натан Аке Манчестер Ситиден кеткісі келеді

Манчестер Сити қорғаушысы Натан Аке клубтан кету мүмкіндігін шындап қарастыруда. Нидерландиялық футболшы Хосеп Гвардиола басқаратын негізгі құрамға кіре алмай жүргендіктен, қысқы трансфер терезесі ашылған сәтте қаңтар айында-ақ клубтан кетуді сұрауы мүмкін.

Бұл жайында журналист Саша Таволери мәлімдеді. 30 жастағы футболшыға Италияның Ювентус және Интер клубтары, сонымен қатар Англияның Кристал Пэлас командасы қызығушылық білдіруде.

Манчестер Сити клубы Аке үшін шамамен 35 миллион еуро талап етуі мүмкін, алайда Transfermarkt порталы ойыншының құнын 22 миллион еуро деп бағалауда. Тәжірибелі орталық қорғаушының қазіргі келісімшарты 2027 жылдың ортасына дейін жарамды.