Бавария Нойермен келісімшартты ұзартпақ

Мюнхеннің "Бавария" клубы жетекшілігі қақпашы Мануэль Нойермен келісімшартты ұзарту ниетінде. Бұл туралы Bild порталы хабар таратты.

Ақпараттарға сәйкес, Transfermarkt порталы Нойерді 4 миллион еуроға бағалаған. Қақпашы командада тағы бір маусым қалуы мүмкін. Алайда, Нойер әлі соңғы шешімін қабылдамаған және бұл шешімді денсаулық жағдайына байланысты қабылдайды.

Нойер 2011 жылдан бері "Бавария" намысын қорғап келеді. Осы уақыт ішінде ол барлық жарыстарда 575 ойынға қатысып, 469 гол жіберіп алған (ағымдағы маусымда 14 ойын және 10 гол жіберілген).

"Бавария" командасы Бундеслигада 28 ұпаймен бірінші орында тұр.