Месси Барселонаға оралуы мүмкін бе

Лионель Месси болашақта "Барселонаға" оралуы мүмкін. Дегенмен, бұл оралу футболшы ретіндегі мансабына емес, клубтың әкімшілік немесе спорт саласына қатысты болуы ықтимал.

Мессидің "Барселонаға" футболшы ретінде қайтуы мүлде қарастырылмайды – бұл кезең оның өмірінде аяқталған. Бұл туралы журналист Альфредо Мартинес әлеуметтік желілерде хабарлады.

Бұған дейін Месси "Барселонада" өмір сүруге қайта оралғысы келетінін білдірген. Қазіргі таңда 38 жастағы футболшы АҚШ-тың "Интер Майами" клубымен 2028 жылдың соңына дейін келісімшартқа қол қойған.

Белгілі болғандай, Лионель Месси 2021 жылғы жазда "Барселонадан" кеткен. Сол кезде каталондық клуб қаржылық мәселелерге байланысты шабуылшымен келісімшартты ұзарта алмаған еді.