Каземироның "МЮ"-дегі болашағы талқылануда

Бразилиялық жартылай қорғаушы Каземироның "Манчестер Юнайтед" клубымен қазіргі келісімшарты маусымның соңына дейін жарамды. Шартта оның жалақысын сақтап, тағы бір жылға ұзарту нұсқасы қарастырылған.

Алайда клуб оған төмен жалақымен жаңа келісімшарт ұсынуды жоспарлап отыр. "Каземироның жалақысы өте жоғары, "Манчестер Юнайтед" оны қысқартқысы келеді.

Бірақ, менің ойымша, Каземиро жалақының төмендеуіне келіспейді. Қандай нәтиже болатынын көре жатармыз", - деді журналист Фред Калдейра бразилиялық TNT Sports телеарнасына берген сұхбатында.

Баспасөздегі мәліметтерге сәйкес, 33 жастағы Каземиро аптасына шамамен 390 мың еуро жалақы алады. Қазіргі уақытта "Манчестер Юнайтед" Премьер-лига турнир кестесінде жетінші орында тұр.