Антонио Контенің 'Наполиден' уақытша кетуі

“Наполи” бас бапкері Антонио Конте команда басшылығымен келісе отырып, клубты уақытша тастап кету туралы шешім қабылдады. Ол апта соңына дейін жұмысын тоқтатады.

Конте 17 қарашаға дейін клубтың жаттығуларына қатыспайды. Команданы оның көмекшісі Кристиан Стеллини басқарады, деп хабарлады “Наполи” баспасөз қызметі.

Бұған дейін “Наполи” басшылығы Контені жұмыстан босатуды жоспарламайтынын және қысқы трансфер терезесінде күшейу үшін 50 миллион еуро бөлуте дайын екенін хабарлаған еді. Италия А сериясының 11-турынан кейін “Наполи” 22 ұпай жинап, турнир кестесінде төртінші орында тұр.

Команда қазір бірінші орында келе жатқан “Интерден” екі ұпай артта келеді.