Барселона Гарри Кейнге таласады

Испанияның "Барселона" клубы "Бавария" шабуылшысы Гарри Кейнді Роберт Левандовскидің ізбасары ретінде қарастыруда. Бұл туралы журналист Экрем Конур хабарлады.

Ақпаратқа сәйкес, 32 жастағы шабуылшыға "Челси", "Манчестер Юнайтед" және Сауд Арабиясының клубтары да қызығушылық білдіруде. Сондықтан "Барселона" үшін ағылшын футболшысын алу оңайға соқпайды.

Айтуынша, Кейннің өзі мансабын "Баварияда" жалғастыруды қалайды. Қазіргі маусымда Кейн барлық жарыстарда 17 ойын өткізіп, 23 гол соғып, 3 нәтижелі пас берген.

Қазіргі кезде Кейннің "Бавариямен" қолданыстағы келісімі 2027 жылға дейін жоспарланған. Transfermarkt мамандары футболшының құнын 75 миллион еуроға бағалап отыр.