Саймон Кьер: "Милан" өз рухын қайта тапты

Италияның "Милан" клубының бұрынғы футболшысы, даниялық қорғаушы Саймон Киер клубқа Массимилиано Аллегри бас бапкер болып келгелі орын алған өзгерістерді өте оң бағалады. Даниялық футболшының айтуынша, "Милан" қайтадан өзінің шынайы рухын таба білді.

"Милан" қайтадан өз рухын тапты. Лука Модрич пен Адриен Рабьоның тәжірибесі үлкен маңызға ие.

Меніңше, "Милан" Скудеттоны жеңіп ала алады, өйткені оларда мықты бапкер бар. Қазіргі уақытта клубта нақты иерархия бар, былтырғы маусымда ол болмаған еді", - дейді Киер pianetamilan.it басылымына берген сұхбатында.

Қазіргі таңда "Милан" Италияның А Сериясы турнир кестесінде үшінші орында тұр. Алдағы матчта олар "Интерге" қарсы алаңға шығады.