Футбол тарихындағы ең үздік төрешілердің бірі сотта

Футбол тарихындағы ең үздік төрешілердің бірі деп танылған ағылшын Ховард Уэбб сотқа шақырылды. Оған қарсы арызды әйел төреші Лиза Бен берді.

Ол бұрын Англия әйелдер Суперлигасының ойындарын басқарған. Лиза Бен Англия Премьер-лигасы төрешілері ұйымынан шығарылғанына қарсы шағымдануда.

Оның айтуынша, бұл жағдай 2023 жылы басқа төреші Стив Чайлдпен байланысты жанжалдан кейін орын алған. Беннің сөзіне қарағанда, Чайлд оған физикалық күш қолданған.

Аталған жанжал кезінде Уэбб Чайлдтың жағын қолдаған және Беннің ойынша, оның кәсіби қызметіне қауіп төндірген. Нәтижесінде, бұл іс сотқа дейін жеткен.