Ямал - Де ла Фуэнта дәуіріндегі екінші сұрмерген

Сенбі күні Испания ұлттық құрамасы 2026 жылғы Әлем чемпионатына іріктеу кезеңінде Грузия командасынан ірі жеңіске жетті (4:0). Матчтың қаһарманы «Реал Сосьедад» ойыншысы Микель Оярсабаль болды.

Ол екі гол соғып, бір нәтижелі пас берді. Луис де ла Фуэнте басқарған Испания ұлттық құрамасының ең нәтижелі ойыншысы 28 жастағы Оярсабаль, оның есебінде 22 (15+7) ұпай бар.

Екінші орында «Барселона» футболшысы Ламин Ямал (6+11) тұр. Ол қарашадағы жиындарға қатыспайды.

Үшінші орынды «Атлетик Бильбао» командасынан Нико Уильямс (5+7) еншіледі. Алдыңғы бестіктің қатарында «Арсенал» ойыншысы Микель Мерино (10+1) және «ПСЖ» өкілі Фабиан Руис (5+6) да бар.

Испания ұлттық құрамасы сейсенбі күні іріктеу кезеңінің соңғы турында Түркиямен кездеседі.