Жазғы ең үздік трансферлер анықталды

ESPN телеарнасы журналистері дайындаған ең үздік жазғы трансферлер рейтингі жарияланды. Бірінші орынды қақпашы Люка Шевалье иеленді.

Ол 'Лилль' клубынан 'ПСЖ' командасына 40 миллион еуроға ауысты. Франциялық қақпашы Париж клубының негізгі қақпашысы атанып, ресейлік Матвей Сафоновты негізгі құрамнан ығыстырды.

Екінші орынды 'Манчестер Юнайтед' клубының жаңа ойыншысы Брайан Мбеумо алды. 'Қызыл шайтандар' шабуылдаушы жартылай қорғаушыны 'Брентфорд' клубынан 75 миллион еуроға сатып алды.

Рейтингтің үздік үштігін 'Реал Мадрид' клубының жаңа қорғаушысы Альваро Карерас аяқтады. Мадрид клубы 'Бенфикадан' фуллбэкті 50 миллион еуроға сатып алды.