Барселона бес қорғаушының бірін таңдауда

Каталонияның "Барселона" клубы жазғы трансфер кезеңінде командадан кеткен Иниго Мартинестің орнын толықтыратын жаңа қорғаушы іздеуде. Sport.es басылымының журналистерінің хабарлауынша, "көк-гранаталықтардың" ықтимал жаңа трансферлер тізімінде бес қорғаушы бар.

Клуб төмендегі футболшылар арасынан таңдау жасауда: Нико Шлоттербек, Марк Гехи, Даё Упамекано, Гонсалу Инасиу және Тьель Тати. Ла Лига аясындағы алғашқы 12 турдан кейін, Ханс-Дитер Флик басқарып отырған "Барселона" 28 ұпай жинап, турнирлік кестеде екінші орынға ие болып тұр.

Команда қазіргі уақытта көшбасшы "Реалдан" үш ұпай қалып келеді.