Арсенал қорғаушысы дербиге оралады

Лондонның "Арсенал" командасының қорғаушысы Рикардо Калафиори "Тоттенхэмге" қарсы өтетін алдағы дерби матчында алаңға шығуы мүмкін. 23 жастағы футболшы қараша айында Италия құрамасының ойындарын жарақатына байланысты жіберіп алған еді.

Алайда, журналист Фабрицио Романоның мәліметінше, Калафиоридің жарақаты аса ауыр емес және ол халықаралық үзілістен кейін қатарға қосылады. "Арсенал" бас бапкері Микель Артета футболшыға Премьер-лиганың 12-ші турында, 23 қараша жексенбі күні өтетін кездесуде сенім артып отыр.

Калафиори осы маусымда "канонирлер" құрамында жалпы 12 ойынға қатысып, бір гол соғып және екі нәтижелі пас берген.