Зидан Франция құрамасының бас бапкері болады деп күтілуде

AS басылымының жазуынша, Диде Дешам қызметінен кеткеннен кейін Зинедин Зидан Франция құрамасының жаңа бас бапкері болып тағайындалады деп күтілуде.

Дереккөздің хабарлауынша, 53 жастағы маман ұлттық құраманы қабылдау туралы алдын ала келісімге келген. Сондықтан Зидан "Реал" мен "Фенербахче" клубтарының ұсыныстарын да қабылдамады.

Мәлім болғандай, қаңтар айында 2026 жылғы әлем чемпионатынан кейін Франция құрамасынан кететінін жариялаған 57 жастағы Дешам қазір Сауд Арабиясының клубтарымен келесі маусым үшін келіссөздер жүргізіп жатыр.