Эстевао жаңа Неймар болуы мүмкін

«Челсидің» аңызға айналған бұрынғы капитаны Джон Терри 18 жастағы Эстевао Вильянның ойынына таңданғанын айтты. Бразилиялық футболшы Еуропаға тез бейімделіп, «көк түстілер» үшін маңызды ойыншы атанған.

«Эстевао шын мәнінде супержұлдыз. Ол жастығына қарамастан, алаңдағы көрсеткен ойындары таңқаларлық.

Ол қазірдің өзінде маңызды ойындарда жауапкершілік алуға қабілетті екенін дәлелдеді. Эстевао жаңа Неймар болуы мүмкін деген пікірмен келісемін.

Соңғы жылдары Коул Палмерге үлкен қысым болған еді, бірақ Эстеваомен бірге бұл қысым азаяды. Ол да гол соғып жүр, бұл команда үшін өте пайдалы», – деді Терри TalkSPORT-қа берген сұхбатында.

Еске салайық, бразилиялық вингер өткен жазда «Палмейрас» клубынан Лондон командасына қосылған болатын.