Родриго "Реалдан" кетуі мүмкін

Мадридтің "Реал" клубының футболшысы Родриго ойын тәжірибесінің жеткіліксіздігіне байланысты командадан кетуі мүмкін. Бразилиялық вингер қазіргі бас бапкер Хаби Алонсоның қол астында негізгі құрамда өте сирек алаңға шығып жүр.

Diario AS басылымының хабарлауынша, Түркияның "Галатасарай" клубы бұл жағдайды мұқият бақылап, 24 жасар жұлдызды қысқы трансфер кезеңінде жалға алу мәселесін қарастыруда. Transfermarkt сайтының мәліметі бойынша, Родригоның трансферлік құны 80 миллион еуроны құрайды.

Ағымдағы маусымда футболшы "Реал" құрамында барлық жарыстарда 13 матчқа қатысып, екі нәтижелі пас берген. Жазғы трансфер кезеңінде бұл футболшыға Англия Премьер-лигасының ірі клубтары қызығушылық танытқан болатын.