Пирс Морган: "Трамп Роналду жайлы пікір айтты"

Журналист Пирс Морган Криштиану Роналдумен достық қарым-қатынасы арқылы танымал. Жақында Морган Роналдумен кезекті сұхбат өткізді, бұл әңгіме тез арада жұртшылық арасында қызу талқыланды.

Аталған сұхбат барысында Криштиану АҚШ президенті Дональд Трамппен кездесу өткізуді армандайтынын айтқан болатын. Роналдуның арманы көп кешікпей орындалды – әйгілі шабуылшы жақында Трамппен кездесу өткізді.

Осы кездесуден кейін АҚШ президенті Криштиануды тарихтағы ең ұлы футболшы деп атады. Пирс Морган бұл сөздерді әлеуметтік желілерде жариялауды өз парызы санады.

"ШҰҒЫЛ: Президент Трамп Криштиану Роналдуды тарихтағы ең ұлы футболшы деп таныды", – деп жазды Морган өзінің парақшасында. Бұдан бөлек, Пирс Морган бұған дейін Роналду және Трамппен бірлескен сұхбат ұйымдастыруды қалайтынын да мәлімдеген еді.