"Рома" АПЛ шабуылшысына қызығушылық танытты

Рома клубы қысқы трансфер кезеңінде шабуыл шебін күшейтуді жоспарлап отыр. Серия А клубы трансфер нарығын зерттеп, "Тоттенхэм" шабуылшысы Матис Телге қызығушылық білдіруде.

La Gazzetta dello Sport ақпаратына сәйкес, Рома Телді 2025/2026 жылғы маусымның екінші жартысына жалға алуға дайын. "Тоттенхэм" ойыншыны сатуға дайын емес, бірақ жалға беру ұсыныстарын қарастыруға ашық.

Англия чемпионатының қазіргі маусымында Тел небәрі 8 ойынға қатысқан, оның үшеуінде негізгі құрамда ойнаған. Бұл ойындарда 20 жасар француз шабуылшысы екі гол соғып үлгерген.

Transfermarkt деректері бойынша, Телдің трансферлік құны 35 миллион еуро деп бағаланған.