Жылдың үздік клубы номинанттары жарияланды

2025 жылғы Globe Soccer Awards нұсқасы бойынша жылдың ең үздік футбол клубы атағына үміткерлер жарияланды. Бұл туралы сыйлықтың әлеуметтік желідегі парақшаларында хабарланды.

Сыйлыққа келесі командалар үміткер ретінде енгізілген: "Әл-Ахли", "Барселона", "Бавария", "Челси", "Кристал Пэлас", "Фламенго", "Интер", "Ливерпуль", "Наполи", "Ньюкасл", "Палмейрас", "ПСЖ", ПСВ, "Пирамидс", "Спортинг", "Тоттенхэм". Жеңімпаз дауыс беру арқылы анықталады.

Өткен жылы бұл марапат Мадридтің "Реал" клубына берілген еді. Globe Soccer Awards ресми марапаттау рәсімі 28 желтоқсан күні Дубайда (БАӘ) өтеді.