Барселона мен Бавария Грималдоға таласуда

Байер клубының сол қанат қорғаушысы Алехандро Гримальдо Еуропаның екі ірі клубы – Барселона мен Баварияны қызықтыруда. Журналист Маттео Мореттоның хабарлауынша, неміс клубы өз жетекшісін Мюнхен клубы сапына жібергісі келмейді.

Алайда футболшы Испанияға оралу ниетін білдірсе, Байер басшылығы бұған қарсылық білдірмеуі мүмкін. Гримальдоның Байермен келісімшарты 2027 жылдың ортасына дейін жарамды.

Transfermarkt мәліметтері бойынша, 30 жастағы футболшының құны 30 миллион еуроны құрайды. Барселона жүйесінің түлегі болған Гримальдо бұрын да Ла Лигада мансабын жалғастырғысы келетінін бірнеше рет атап өткен.