Карим Адейеми Дортмундтан кетуді жоспарлап жүр

Дортмундтың "Боруссия" клубының шабуылшысы Карим Адейеми келесі жылдың жазында команданы тастап кетуді жоспарлап отыр. Неміс футболшысы үшін осы маусым "Боруссия" сапындағы соңғы маусым болуы ғажап емес.

Bild басылымының хабарлауынша, Адейеми өзінің мансабын жалғастыру үшін әртүрлі нұсқаларды қарастыруда. Белгілі болғандай, 23 жастағы шабуылшының агенті жақында "Манчестер Юнайтед" клубымен келіссөздер жүргізген, сонымен қатар Миланның "Интер" командасы да футболшы туралы ақпарат сұраған.

Transfermarkt порталының мәліметіне сәйкес, Карим Адейемидің трансферлік құны 60 миллион еуроны құрайды. Ағымдағы маусымда неміс футболшысы барлық турнирлерде өткізген 14 ойында 3 гол және 3 нәтижелі пас жасаған.