Иван Тони АПЛ-ға оралуға дайын

Сауд Арабиясының "Аль-Ахли" клубының шабуылшысы Иван Тони қаңтар айында Премьер-лигаға оралу үшін өзінің жалақысын айтарлықтай қысқартуға дайын. Бұл туралы TEAMtalk хабарлайды.

Дереккөз мәліметіне сәйкес, 29 жастағы шабуылшыға "Тоттенхэм" мен "Эвертон" клубтары қызығушылық танытып отыр. Тонидің басты мақсаты – алдағы әлем чемпионатында Англия құрамасы сапында ойнау.

Айтылып өткеніндей, қазіргі уақытта Тонидің "Аль-Ахли" клубындағы жалақысы жылына шамамен 23,5 миллион еуроны құрайды. Ағымдағы маусымда ол барлық турнирлерде 15 матчқа қатысып, 11 гол соғып, 2 нәтижелі пас берген.