Ресей FIFA рейтингісінде төмендеді

Ресей футбол одағының құрметті президенті Вячеслав Колосков Ресей ұлттық құрамасының FIFA рейтингінде төмендеуі жайлы пікірін білдірді. Жаңартылған рейтингте ұлттық құрама 30-орыннан 33-орынға түсті.

"Рейтингке ешкім назар аудармайды. Бұл әсіреленген мәселе.

Мен бұл тізімде қандай да бір объективтілік көріп тұрған жоқпын", - деді Колосков "Match TV"-ға берген сұхбатында. Еске салайық, 2022 жылғы ақпан айынан бастап Ресей ұлттық құрамасы халықаралық турнирлерге қатысудан шеттетілген.

Қараша айында Валерий Карпин басқарған команда екі жолдастық матч өткізді: алғашқы ойында Перумен тең ойнады (1:1), ал екінші ойында Чилиден жеңілді (0:2).