Бубнов Ресей құрамасына жаңа бапкер таңдады

Мәскеудің "Спартак" командасының бұрынғы қорғаушысы Александр Бубнов Ресей құрамасының бас жаттықтырушысы Валерий Карпинді кім алмастыра алатыны жөнінде пікір білдірді. "Бердыевті қарастыруға болады.

Оның жеткен жетістіктері бар. Ол "Барселонаны" жеңген.

Бұл "Армавирді" жаттықтырумен бірдей емес", - деді сарапшы "Komment.Show" YouTube арнасына берген сұхбатында. Еске салсақ, Карпин 2021 жылдан бері Ресей құрамасының бас жаттықтырушысы қызметін атқарып келеді.

2022 жылғы ақпан айынан бастап халықаралық тыйым салуына байланысты ұлттық құрама тек жолдастық кездесулер өткізіп жүр. Соңғы ойында Карпиннің шәкірттері Сочидегі стадионда Чили құрамасына қарсы шығып, 0:2 есебімен жеңілді.