Аббяти: Менян аяғымен жақсы ойнайды

Бұрынғы "Милан" қақпашысы Кристиан Аббьятти француз қақпашысы Майк Меньян туралы пікір білдірді. Меньян 2021 жылдан бері "россонеридің" қақпасын қорғап келеді.

Аббьятти Меньянның жағымды қырларын, әсіресе оның аяқпен жақсы ойнайтынын жоғары бағалады. "Біз бір-бірімізден ерекшеленеміз.

Ол аяқпен жақсы әрекет етеді және шабуылда белсенді ойнағанды ұнатады. Мен болса, аяқпен бұлай жақсы ойнай алмас едім, бәлкім, бұл футболдың әртүрлі дәуірлерімен байланысты болар," – деді Аббьятти pianetamilan.it басылымына берген сұхбатында.

Естеріңізге сала кетейік, Кристиан Аббьятти "Милан" клубында 1998 жылдан 2016 жылға дейін негізінен қосалқы қақпашы ретінде қызмет атқарған. Қазіргі уақытта "Милан" Итальян А Сериясы турнир кестесінде үшінші орында тұр.