Гвардиола осы буын жұлдызын атады

«Манчестер Сити» бас бапкері Хосеп Гвардиола Норвегия ұлттық құрамасы және «қалалықтар» шабуылшысы Эрлинг Холанд туралы өз пікірін білдірді. «Холанд – бұл буынның басты таланты.

Оның бірегей футболшыға айналуына барлық қасиеттері бар. Мұндай футболшылар бірнеше буында бір рет қана пайда болады», – деп Marca басылымы Гвардиоланың сөзін келтірді.

Ағымдағы маусымда скандинавиялық шабуылшы Англия клубы сапында 15 ойында алаңға шығып, 19 гол соғып үлгерген. «Манчестер Сити»-дің келесі ойыны 22 қараша күні сырт алаңда «Ньюкаслға» қарсы өтеді.