Эранио: Модричтен мұндай ойын күтпедім

Италия құрамасы мен "Милан" клубының бұрынғы жартылай қорғаушысы Стефано Эранио 1990-шы жылдары команда сапында өнер көрсеткен еді. Журналистер одан жазғы трансферлер кезінде "Миланға" қосылған Лука Модрич туралы пікір білдіруін сұрады.

Эранионың айтуынша, ол футболшыдан мұндай жоғары деңгейдегі ойынды күткен емес. "Модричтен мұндай керемет ойын күткен жоқпын.

Ол бірден Аллегри командасына бейімделіп кетті. Жартылай қорғау алаңының ойын геометриясын анықтап береді.

Қазіргі кезде "Миланның" жартылай қорғауы тек "Интерден" ғана төмен болуы мүмкін", – деді Эранио pianetamilan.it порталына берген сұхбатында. Айта кетейік, Лука Модрич бұған дейін ұзақ жылдар бойы Мадридтің "Реал" командасы сапында ойнаған.