Эзе "Тоттенхэм" қақпасына дубль жасады

Солтүстік Лондон дербиінде "Арсенал" мен "Тоттенхэм" командалары арасындағы ойында екінші тайм өте белсенді басталды. Эберечи Эзе "Тоттенхэм" қақпасына гол соғып, "зеңбірекшілердің" басымдылығын үш допқа жеткізді – 3:0.

Осылайша, ағылшын футболшысы кездесуде дубль жасады. Ол бұған дейін, матчтың 41-минутында да гол авторы атанған болатын.

Сондай-ақ, "Арсеналдың" тағы бір голын Леандро Троссар соқты. Естеріңізге сала кетсек, жаз мезгілінде Эзе "Тоттенхэм" ойыншысы атануы мүмкін еді, ал трансфер келісімі өте ықтимал болатын.

Алайда "Арсенал" "Кристал Пэлас" жұлдызын өз құрымына қосып алуға қол жеткізді.