Салемакерс: Бұл маған 2022 жылды еске салады

Италия чемпионатының кезекті турында "Милан" басты ойындардың бірінде "Интерді" жеңіліске ұшыратты. "Россонеридің" бельгиялық қорғаушысы Алексис Салемакерстің айтуынша, команданың қазіргі жағдайы оған 2022 жылғы маусымды еске түсіруде.

Ол маусымда "Милан" бас бапкер Стефано Пиоли басқаруында чемпиондық атаққа қол жеткізген болатын. "Мен бұған дейін де айтқан едім, командада дәл 2022 жылдағыдай бір отбасы ретінде бірігу сезімі қайта оралып жатыр.

Ол уақыт қайта оралғандай", - дейді Салемакерс pianetamilan.it басылымына берген сұхбатында. Бұл жеңістің арқасында Массимилиано Аллегридің командасы А Сериясының турнир кестесінде екінші орынға көтерілді.