Левандовский «Фенербахче» ұсынысынан бас тартты

«Барселонаның» поляк шабуылшысы Роберт Левандовски Түркияның «Фенербахче» клубына өтуден бас тартты. Бұл туралы журналист Экрем Конур хабарлады.

Бұған дейін «Фенербахче» 37 жастағы шабуылшыны трансфер ретінде алу бойынша келіссөздер жүргізіп жатқандығы туралы ақпарат тараған еді. Дереккөзге сүйенсек, Левандовски қаңтар айында түрік клубына өтуден бас тартты.

Футболшы, кем дегенде, осы маусымның соңына дейін «Барселонада» қалуды қалайтынын мәлімдеген. Қазіргі маусымда Левандовски барлық жарыста өткен 14 ойынға қатысып, 8 гол соғуға қол жеткізді.

Футболшының «көк-анарлы» клубпен қолданыстағы келісімшарты келесі жылдың жазында аяқталады.