Бернарду Силва Миланға ауысуы мүмкін

Португалиялық жартылай қорғаушы Бернарду Силва сегіз жылдық мансабынан кейін "Манчестер Сити" командасынан кетеді. Pianetamilan.it хабарлауынша, оның келесі аялдамасы Италия чемпионаты болуы мүмкін.

"Милан" клубы футболшыны өз құрамына қосуға қызығушылық білдіріп, трансфер тізіміне енгізген. Сонымен қатар, ақпарат көзінің мәліметінше, жағдайды "Ювентустың" бас бапкері Лучано Спаллетти де бақылауда ұстап отыр.

Алайда негізгі мәселелердің бірі футболшының қаржылық талаптарына байланысты болуы ықтимал. Ол "Манчестер Ситиде" жылына 10 миллион еуродан астам жалақы алады және жалақысының айтарлықтай төмендеуіне келісе қоюы екіталай.