Ньюкасл УЕФА-ға шағым түсіреді

Англияның "Ньюкасл" клубы УЕФА-ға шағым арызын өткізеді. Бұл шешім Чемпиондар лигасы аясында "Марсель"ге қарсы сырт алаңдағы матчынан кейін туындаған қолайсыз жағдайлар себепті қабылданды.

Клуб өкілдерінің айтуынша, француз полициясы ойыннан кейін жанкүйерлерді тәртіпке салу үшін қалқандар, таяқтар және бұрыш спрейін қолданған. Бұл әрекет жағдай талап етпеген кезде жасалған.

"Жанкүйерлердің қауіпсіздігі мен әл-ауқаты әрдайым басымдықта болуы керек. Полицияның біздің жанкүйерлерге деген қарым-қатынасын қатаң айыптаймыз", — делінген клубтың ресми мәлімдемесінде.

Матч "Марсель" клубының 2:1 есебімен жеңісімен аяқталды. "Ньюкасл" турнир кестесінің 9 ұпаймен 11-орнында тұрса, француз клубы 6 ұпаймен 21-орынға жайғасқан.