"Манчестер Юнайтед" Жоау Гомештен бас тартты

«Вулверхэмптон» жартылай қорғаушысы Жоао Гомес «Манчестер Юнайтедке» ауыспайды. 24 жастағы футболшы «Қызыл шайтандардың» трансферлік мақсаты ретінде аталған еді, бірақ бұл ақпарат шындыққа сай келмейді.

Журналист Дэвид Орнштейннің хабарлауынша, манкуниандықтар бразилиялық футболшымен келіссөздер жүргізуді жоспарлап отырған жоқ. «Қасқырлар» өкілдері де футболшы бойынша кез келген келіссөздер өтіп жатыр деген деректерді жоққа шығарды.

Transfermarkt порталының мәліметінше, Жоао Гоместің трансферлік құны 40 миллион еуроны құрайды. Ағымдағы маусымда жартылай қорғаушы «Вулверхэмптон» құрамында 15 ойын өткізіп, бір нәтижелі пас берген.

«Манчестер Юнайтед» АПЛ турнирлік кестесінде 10-орында тұр, ал «Вулверхэмптон» соңғы орында орналасқан.