"Хайденхайм" мен "Вольфсбург" жеңіске жетті

Германия чемпионатының 13-турындағы бірнеше матч аяқталды. "Хайденхайм" өз алаңында "Фрайбургты" қабылдап, соңғы минуттарда драмалық жеңіске қол жеткізді.

Қонақтар 40-минутта Йохан Манзамбидің соққысымен есеп ашты. Оған жауап ретінде 59-минутта Патрик Майнка есепті теңестірді.

Ойынның соңғы минуттарында Штефан Шиммер "Хайденхаймға" 2:1 есебімен жеңіс әкелетін гол соқты. Ал, "Вольфсбург" өз алаңында "Унион Берлинді" 3:1 есебімен жеңді.

Матчта Патрик Виммер, Мұхаммед Амура және Ловро Майердің соққылары голға айналса, қонақтар тек Константинос Кулиеракистің автоголы арқылы есепті қысқартуға мүмкіндік алды. Сондай-ақ, "Унион" ойыншысы Леопольд Кверфельд пенальтиді сәтсіз орындады.

"Хайденхайм" өз алаңында жанкүйерлерін қуантса, "Вольфсбург" нәтижелі шабуылдарының арқасында маңызды жеңіске қол жеткізді.