"Реал Сосьедад" бас бапкерлігіне екі үміткер анықталды

Бүгін, 14 желтоқсан күні "Реал Сосьедад" бас бапкері Серхио Франциско командадан кеткенін ресми түрде хабарлады. Осыдан кейін испан клубында босап қалған орынға кімдердің үміткер екені жөнінде ақпараттар пайда болды.

Италиялық журналист Джанлука Ди Марционың хабарлауынша, "Реал Сосьедад" басшылықтары бас бапкерлікке екі маманның кандидатурасын қарастыруда: Тиаго Мотта мен Пеллегрино Матараццо. Тиаго Моттаның соңғы жұмыс орны "Ювентус" болған.

Ол клубты 2025 жылғы наурыз айында тастап кеткен. Бұған дейін ол "Болонья", "Специя" және "Дженоа" командаларында да қызмет атқарған.

Ал Пеллегрино Матараццо 2024 жылдың қараша айынан бері жұмыссыз: ол "Хоффенхаймдағы" бас бапкер лауазымынан кеткеннен кейін командасыз қалған. Испания чемпионатының 16-турынан кейін "Реал Сосьедад" 16 ұпаймен турнир кестесінде 15-орында тұр.